ຂ່າວລາຍວັນ

ເຈົ້າຫນ້າທີ່! ລົງເຮັດບົດບັນທຶກກັບເຈົ້າຂອງຮ້ານອາຫານ ມານາແມະ ຫຼັງຈາກລະເມີດມາດຕະການ

🔥🔥🔥ເຈົ້າຫນ້າທີ່! ລົງເຮັດບົດບັນທຶກກັບເຈົ້າຂອງຮ້ານອາຫານ ມານາແມະ ຫຼັງຈາກລະເມີດມາດຕະການ

ໃນວັນທີ 11 ມິຖຸນາ 2021, ເຈົ້າໜ້າທີ່ຕຳຫຼວດພະແນກທ່ອງທ່ຽວ ສົມທົບກັບອຳນາດການປົກຄອງບ້ານ ແລະ ພາກສ່ວນທີ່ກ່ຽວຂ້ອງ ເມືອງໄຊທານີ ນວ ລົງເຮັດບົດບັນທຶກກັບເຈົ້າຂອງຮ້ານອາຫານ ມານາແມະຕັ້ງຢູ່ ບ້ານດອນຕິ້ວ ເມືອງໄຊທານີ ນວ

ພ້ອມທັງສຶກສາອົບຮົມກ່າວຕັກເຕືອນ ແລະ ໃຫ້ຢຸດເຊົາ ( ປິດຮ້ານ ) ຈົນກວ່າຈະມີແຈ້ງການສະບັບໃໝ່ ເພື່ອຢັບຢັ້ງກໍາຈັດຮັດແຄບການແຜ່ລະບາດຂອງພະຍາດທີ່ອາດແຜ່ລາມອອກສູ່ວົງກວ້າງ, ຖ້າຍັງພົບເຫັນເປີດໃຫ້ບໍລິການ ຈະຖືກດໍາເນີນຄະດີຕາມລະບຽບກົດໝາຍ.

ຕໍ່ກັບຮ້ານດັ່ງກ່າວເຫັນວ່າ: ມີການເຄື່ອນໄຫວລັກເປີດໃຫ້ບໍລິການທີ່ເປັນການກະທໍາທີ່ລະເມີດຕໍ່ແຈ້ງການ 012/ສພກ.ນວ, ລົງວັນທີ 4 ມີຖຸນາ 2021 ວ່າດ້ວຍການຈັດຕັ້ງປະຕິບັດຄຳສັ່ງ ການເພີ່ມທະວີມາດຕະການປ້ອງກັນຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ ນວ ໄລຍະວັນທີ 05 ຫາ 19 ມິຖຸນາ 2021 ໃນ ( ຂໍ້ 3 ) ເຊິງໃນແຈ້ງການໄດ້ລະບຸໄວ້ວ່າ: ຫາກບຸກຄົນລະເມີດ ແມ່ນຈະຖືກປັບໃໝແຕ່ 100.000 – 1.000.000 ກີບ/ຄົນ/ຄັ້ງ ແລະ ນິຕິບຸກຄົນໃດລະເມີດ ແມ່ນຈະຖືກປັບໃໝແຕ່ 1.000.000 – 5.000.000 ກີບ/ຄົນ/ຄັ້ງ.

ກອງບັນຊາການ ປກສ ນວ ຮຽກຮ້ອງມາຍັງເຈົ້າຂອງກິດຈະການ, ຫົວໜ່ວຍທຸລະກິດຕ່າງໆ ໃຫ້ປະຕິບັດຕາມຄຳສັ່ງ ແລະ ແຈ້ງການ ຂອງຂັ້ນເທິງວາງອອກຢ່າງເຂັ້ມງວດ ຖ້າເຈົ້າໜ້າທີ່ຊອກຮູ້ກວດພົບ ທີ່ຍັງສືບຕໍ່ລະເມີດຈະໄດ້ນຳໃຊ້ມາດຕະການທາງກົດໝາຍຢ່າງບໍ່ມີຂໍ້ຍົກເວັ້ນ, ທັງນີ້ກໍ່ເພື່ອເປັນການຄວບຄຸມ, ສະກັດກັ້ນການແຜ່ລະບາດຂອງພະຍາດໂຄວິດ-19.

ຂໍ້ມູນ: ປກສ ນະຄອນຫຼວງວຽງຈັນ

Related Articles

Leave a Reply

Your email address will not be published. Required fields are marked *

Back to top button