ຂ່າວລາຍວັນ

ແຈ້ງຂ່າວ ປິດການສັນຈອນຊົ່ວຄາວທາງແບ່ງນາໂພ ຈຸດບ້ານໂພນສະຫວ່າງ ຫາ ສາມແຍກໂພນໂຮງ 29/7/2021

ທາງແບ່ງນາໂພ ຈຸດບ້ານໂພນສະຫວ່າງ ຫາ ສາມແຍກໂພນໂຮງ ຈະປິດການສັນຈອນຊົ່ວຄາວ ເນື່ອງຈາກຈະມີການກໍ່ສ້າງໜ້າຂົວນໍ້າແຈ້ງ.

ກົມຂົວທາງ ກະຊວງໂຍທາທິການ ແລະ ຂົນສົ່ງ ແຈ້ງເຖິງຜູ້ຊົມໃຊ້ເສັ້ນທາງ ລວມທັງພໍ່ແມ່ປະຊາຊົນ, ພະນັກງານ, ທະຫານຕໍາຫລວດ, ພໍ່ຄ້າຊາວຂາຍ ແລະ ທຸກທ່ານຮັບຊາບວ່າ ນັບແຕ່ວັນທີ 29 ກໍລະກົດ 2021 ເປັນຕົ້ນໄປ ຈະໄດ້ປີດການສັນຈອນຊົ່ວຄາວ ຢູ່ ຊ່ວງທາງເລກ 13 ເໜືອ ແຕ່ທາງແບ່ງນາໂພ ຈຸດບ້ານໂພນສະຫວ່າງ (ກມ. 60) ຫາ ສາມແຍກໂພນໂຮງ (ກມ.70) ຍ້ອນວ່າຈະໄດ້ເລີ້ມຕົ້ນກໍ່ສ້າງ ໜ້າຂົວນ້ຳແຈ້ງທີ່ຖືກເປ່ເພຫລາຍຍ້ອນການໃຊ້ງານ ຮັບລົດບັນທຸກໜັກເກີນມາຫລາຍປີ.

ສະນັ້ນ, ເພື່ອໃຫ້ການກໍ່ສ້າງມີຄວາມສະດວກ ແລະ ມີຄວາມປອດໄພໃນການສັນຈອນ ສະເໜີໃຫ້ ນໍາໃຊ້ເສັ້ນທາງເວັ້ນ ຄື: ເສັ້ນທາງໂພນສະຫວ່າງ-ນາໂພ-ປາກແຈ້ງ-ໂພນໂຮງ, ເສັ້ນທາງເລກ 10, ເສັ້ນ ທາງດ່ວນ ຈາກ ນະຄອນຫລວງວຽງຈັນ ຫາ ວັງວຽງ.

ສຳລັບພໍ່ແມ່ປະຊາຊົນ ທີ່ນຳໃຊ້ລົດຈັກ, ລົດຖີບ ແລະ ຄົນຍ່າງ ສາມາດນຳໃຊ້ເຮືອແພນ້ອຍຊົ່ວຄາວ ເພື່ອສັນຈອນຂ້າມຂົວນ້ຳແຈ້ງໄດ້ເລີຍ ຕາມການເຫັນດີຕົກລົງ ກັບ ອົງການປົກຄອງບ້ານນ້ຳແຈ້ງ ໃນວັນທີ 20 ກໍລະກົດ 2021.

Related Articles

Leave a Reply

Your email address will not be published. Required fields are marked *

Back to top button